Ferskmeti, ljúffeng brögð og hollustan er í fyrirrúmi á nýju ári og ekkert er skemmtilegra en að prófa nýja samsetningu þegar við búum okkur til ljúffengt salat. Sjöfn Þórðar heimsótti Karenu Jónsdóttur, sem ávallt er kölluð Kaja, í Matarbúr Kaju á Akranesi og prófaði nýjustu salatblönduna hennar. Upplifun Sjafnar var tryllingslega ljúffeng þar sem bragðlaukarnir nutu sín í botn með hverjum munnbita. Þetta er salat sem enginn má láta framhjá sér fara að njóta. „Það sem einkennir salatið er upplifunin við að borða það en hver munnbiti einkennist af nýju og nýju bragði. Bragð sem kemur skemmtilega á óvart sérstaklega þar sem þetta er salat. VIð notum lífræn hráefni og svo íslenskt ef við náum ekki í lífræn,“ segir Kaja og mjög ánægð með útkomuna. Sjöfn fékk Kaju til að gefa lesendum uppskriftina af þessu dásamlega ljúffenga salati sem er kærkomið að njóta í janúar. Vert er að segja frá því að hægt er að kaupa salatið í Matarbúri Kaju í „Take away“.
Fræ- og hnetublanda
100 g sólblómafræ
100 g kasjúhnetubrot
TamarisósaFræin eru sett i skal og tamarisósunni hellt yfir svo blandan nái að draga í sig vökvan. Látið standa í um það bil 10 mínútur. Blandan er síðan tekin úr vökvanum og sett á bökunarplötu smjörpappír undir. Bakið blönduna við blástur í um það bil 10 mínútur við 155°C gráðu heitan ofn eða þar til að blandan er orðin þurr og stökk.
Hummus
1 krukka soðnar kjúklingabaunir
1dl ólífuolía
3 msk. tahini
1 pressað hvítlauksrif
1 tsk. sítrónusafi
Setjið allt hráefnið í matvinnsluvél, mögulega þarf að bæta við ólífuolíu, geymist í kæli í allt að viku.
Fagur græn dressing
100 ml lífræn ólífuolía
20 g kasjúhnetur
1 pressað hvítlauksrif
1 tsk. sítrónusafi
30 til 50 g af klettasalati
Setjið allt hráefnið er sett í blandara. Athugið að það þarf mögulega þarf að bæta ólífuolíu við. Geymist í kæli.
Salat al la Kaja
Samsetning á salatinu sett í skál
Blandað Lambhaga salat 1 lúka
lífrænt klettasalat um það bil 10-20 g
Eco spírur
dass af blaðlauks-, radísu-, brokkólí- og alfa alfa spírum
rauðlaukur skorin í sneiðar eftir smekk
tómatsneiðar eftir smekk
dass af döðlubitum eftir smekk
1,5 msk. af hummus
2 msk. af fræ- og hnetublöndu
salatdressing eftir smekk
svört sesamfræ til skrauts en þau eru mjög magnesíum rík
Njótið vel.
