Það er fátt sem jafnast á við nýbakað kryddbrauð og ilminum sem því fylgir nú í kuldanum sem hertekur landið okkar.
Þessi uppskrift er einföld og svo gómsæt að þú vilt helst hafa hana tvöfalda.
Kryddbrauð:
- 3 dl hveiti
- 3 dl haframjöl (gott að setja það í matvinnsluvél en ekki nauðsynlegt)
- 3 dl sykur
- 3 dl mjólk
- 2 tsk matarsódi
- 1 tsk negull
- 1 tsk kanill
Aðferð:
Blandið saman öllum þurrefni og hrærið vel saman. Hellið mjólkinni varlega saman við og passiði vel að hræra allan tímann svo engir kekkir myndist. Bakið í ofni við 200°c í um 50 mínútur eða þar til hnífsoddur kemur hreinn upp úr miðju brauðsins.
