Litið hefur verið þannig á að Steingrímur J. Sigfússon, alþingismaður, léti örugglega af þingmennsku í lok þessa kjörtímabils eftir 38 ára feril, sem ýmsum þykir reyndar vera orðinn allt of langur.
Hann mun hafa dreymt um að enda langan og stormasaman feril með því að gegna embætti forseta Alþingis og reyna í því embætti að friðmælast við flokka og fólk sem hann hefur sýnt hörku og jafnvel dónaskap.
Nú bregður svo við að netmiðill birtir skrif um að Steingrímur sé að skoða stöðuna og ræða við vini sína fyrir norðan. Það bendir til þess að hann telji ekki nóg að gert á þingi í nær fjóra áratugi! Hann er sennilega að banka upp á hjá þeim sósíalistum fyrir norðan sem enn eru eftir til að “panta” áskoranir og hvatningu til enn lengri þingsetu.
Steingrímur ætti að láta gott heita - og þó fyrr hefði verið. Tími hans í íslenskum stjórnmálum er liðinn.
