„Ég er að leita að konu sem ég keyrði utan í (straujaði) þegar við mættumst í beygju í Faxafeni, Skeifunni í dag upp úr kl 13,“ skrifaði Bryndís Bjarna í Facebook hópinn Brask og brall í gær.
Bryndís skrifaði færsluna því hún var illa fyrir kölluð þegar áreksturinn varð og vill hún biðjast afsökunar á framkomu sinni.
„Mig langaði að biðja hana innilega afsökunar á því hversu kaldhranalega ég kom fram. Ég var orðin of sein á námskeið (sigrum streituna) LOL ekki veitir af, með minn athyglisbrest og útá þekju og bara kom illa fram sem er ekki líkt mér enda búin að hugsa um blessaða konuna í allan dag. Ef þú ert meðlimur þessa hóps þá vill ég skila til þín: Fyrirgefðu,“ skrifar Bryndís.
Meðlimir hópsins hrósa Bryndísi fyrir að stíga fram og biðjast afsökunar en þegar þetta er skrifað hefur konan sem hún keyrði á ekki gefið sig fram.
