Sævar Helgi Bragason, oft kallaður Stjörnu-Sævar, segir að fólk megi hafa áhyggjur af ýmsu öðru en bólusetningum barna.
Sævar skrifar færslu á Facebook sem vakið hefur talsverða athygli en í henni nefnir hann nokkra hluti sem eru skaðlegri börnum en bólusetningar.
„Sé að sumir eru farnir að hafa áhyggjur af bólusetningum barna. Fagna því þegar fólk hefur hagsmuni barna í fyrirrúmi. Við ættum að gera meira af því. Hér eru því nokkrir hlutir sem geta haft eða hafa mun meiri líkamleg og andleg áhrif á börn (og fullorðna) en bólusetningar,“ segir Sævar Helgi og telur upp eftirfarandi atriði:
Bílar
Svifryksmengun
Of lítil hreyfing
Ónógur svefn
Biðlistar í heilbrigðiskerfinu
Skortur á félagslífi
Skortur á samverustundum með foreldrum og systkinum
Skortur á ást og umhyggju
Skortur á samkennd
Lélegt mataræði - Of lítil neysla grænmetis
Lélegt mataræði - Of mikil neysla dýraafurða
Samfélagsmiðlar
Skortur á vísinda- og tölfræðilæsi
Umhverfis- og loftslagsbreytingar
Hann segir að lokum að bólusetningar geri okkur og aðra sannarlega öruggari í samfélagi þar sem sumir geta, af einhverjum ástæðum, ekki þegið þetta mesta afrek læknavísindanna.
