Ríkisstjórninni þykir vænna um sauðfé en fólk

Nú ætlar Kristján Þór Júlíusson landbúnaðarráðherra að “hraða” endurskoðun búvörulaganna.

Á mannamáli þýðir það að ríkisstjórnin ætlar að auka fjáraustur úr ríkissjóði í landbúnaðarsukkið. Hún lætur ekki endurskoða þessi lög með hagsmuni neytenda og skattgreiðenda að leiðarljósi. Nei, nú ætlar ríkisstjórnin að hraða því að enn meiri styrkjum verði mokað í þessa atvinnugrein.

Fyrir síðustu kosningar var hinum verst settu í þjóðfélaginu heitið stuðningi strax. Það var svikið því ekki var talinn nægur tími til að koma lagabreytingum í gegnum þingið fyrir jól.

En ríkisstjórnin fann tíma til að ráðstafa 600 milljónum króna í sauðfjárbúskap sem er atvinnugrein sem skilar tapi. Sumir virðast halda að tapið sé ríkisstjórninni að kenn!

Þessi ríkisstjórn er tilbúin að svíkja fólk. En henni þykir vænt um sauðfé.

Rtá.