Taco er með vinsælustu réttunum sem boðið er uppá þessa dagana og hægt er að leika sér með brögð og hráefni sem gleðja bragðlaukana. Hér er á ferðinni sumarlegt og bráðhollt taco sem tryllir bragðlaukana með kóríandersósunni sem toppar réttinn úr smiðju Berglindar Hreiðars.
Við mælum svo sannarlega með þessum rétti á fallegum sumardegi í góðum félagsskap. Hægt er að fylgjast með matarbloggi Berglindar á síðunni Gotterí og gersemar.
Rækjutaco
Fyrir 3-4 manns
700 g risarækjur
Grillolía að eigin vali
8-10 litlar vefjur
3 avókadó
½ mangó
½ rauð paprika
½ rauðlaukur
2 msk. ferskur kóríander
Kóríandersósa (sjá uppskrift fyrir neðan)
- Skolið og þerrið rækjurnar, marinerið upp úr grillolíu í að minnsta kosti klukkustund (ég notaði hunangs grillolíu þetta skiptið og það kom vel út).
- Skerið allt grænmeti/ávexti niður og blandið saman í skál og útbúið sósuna.
- Hitið vefjurnar og setjið saman eftir hentugleika.
Kóríandersósa
1 ½ dós sýrður rjómi (270 g)
1 lime (safinn)
3 msk. saxaður kóríander
1 rifið hvítauksrif
½ tsk. salt
½ tsk. pipar
- Pískið allt saman í skál og geymið í kæli fram að notkun.
Berið fram á fagurlegan og skemmtilegan hátt og leyfið bragðlaukunum að njóta.
Litríkt og fallegt taco sem bragð er af./Ljósmyndir Berglind Hreiðars.
*Allt hráefnið fæst í Bónus
