Páll Óskar hélt langþráða afmælistónleika um helgina sem heppnuðust einstaklega en hann er hálfraddlaus eftir átök helgarinnar, samkvæmt viðtali Ísland í dag á K100.
„Nú þarf ég bara að hvíla mig og koma röddinni í gang,“ sagði Páll Óskar hásum rómi í þættinum en hann sagðist einmitt vera á leið til hnykkjara og í nudd.
„Ég er bara með mig í bómull,“ sagði hann og bætti við glettnislega: „Ég er mjög fljótur að jafna mig alltaf. Þetta er eins og mánudagsrödd eftir verslunarhelgi,“ segir Páll í samtali við K100.
Hann vonast þó til að geta haldið sambærilega afmælistónleika á næsta ári.
„Ég er ekkert hissa að ég hljómi svona,“ sagði hann jafnframt. „Ég hef ekki fengið að gera svona í tvö ár. Þannig að auðvitað er líkaminn í sjokki. Það er held ég eðlilegt. Þetta er eins og íþróttamaður sem fær varla að æfa sig eða keppa neitt í tvö ár en svo allt í einu hleypur hann maraþon.“
