Bakstur gefur gull í mund og ekkert dásamlegra en að fá sér eitthvað ljúffengt með kaffinu um helgar. Hér er ein skothelt uppskrift af Banana- og súkkulaði bollakökum sem bráðna í munni úr smiðju Sjafnar Þórðar. Tilvalið er að fá sér heimalagað heitt súkkulaði með þessum ómótstæðilega ljúffengu bollakökum.
Banana- og súkkulaði bollakökur
- 2 egg
- 110 g brætt smjör
- 2 þroskaðir bananar (stappaðir)
- 1 tsk. vanilludropar
- 230 g hveiti
- 180 g sykur
- 1 tsk. lyftiduft
- ¼ tsk. matarsódi
- ¼ tsk. salt
- 1 ½ tsk. kanill
- 100 g suðusúkkulaði eða súkkulaði að eigin vali saxað, má vera meira
Aðferð:
- Hitið ofninn 200°C
- Blandið öllum þurrefnunum saman og setjið til hliðar í skál.
- Hrærið eggin, brædda smjörinu og stöppuðum banönum saman ásamt vanilludropum vel saman.
- Bætið þurrefnunum smátt og smátt saman við þar til vel blandað.
- Þegar blandan er tilbúin bætið við saxaða súkkulaðinu með sleif.
- Skiptið niður í um 12 bollakökuform og bakið í um það bil 15-20 mínútur í 200°C heitum ofni.
Berið fram með heitu súkkulaði eða kaffi eftir smekk hvers og eins ásamt ferskum berjum.
Njótið hvers munnbita.
*Allt hráefnið fæst í Bónus
