Páll Magnússon birtir í dag beinskeytta grein í Fréttablaðinu þar sem krafist er afsagnar Illuga Gunnarssonar. Páll dregur ekkert undan og hlýtur þessi grein að teljast vera sú harðorðasta sem enn hefur birst um Illugamálið.

Skjálftavirknin í Sjálfstæðisflokknum eykst nú með hverjum deginum vegna varaformannskjörs á landsfundi sem hefst eftir 3 vikur.

Menntamálaráðherra ætlar að vera svo elskulegur að kenna okkur Íslendingum að lesa. Það er reyndar óþarfi því við erum læs.

Lestur prentmiðla á Íslandi er á hröðu undanhaldi eins og reyndar víðast hvar um hinn vestræna heim. Þróun á fjölmiðlamarkaði er öll í þá átt að prentmiðlar gefa hratt eftir en netmiðlar eru hvarvetna í mikilli sókn. Sjónvarp og útvarp halda velli. Það gildir þó ekki um áskriftarsjónvarp sem á sífellt erfiðara með að selja áskriftir í samkeppni við ókeypis sjónvarpsstöðvar.

Össur Skarphéðinsson fer í forsetaframboð og mun væntanlega ná kjöri.Ólafur Ragnar Grímsson er á bak við plottið samkvæmt heimildum Náttfara. Þeir tveir eru gamlir vinir og bandamenn allt frá því þeir ritstýrðu Þjóðviljanum sáluga á árunum kringum 1980.

Útreið stjórnarflokkana í nýjustu skoðanakönnun Gallup er slík að erfitt verður fyrir stjórnina að sitja áfram við völd eins og allt sé með felldu. Stjórnin lagði af stað með 38 þingmenn og 51% fylgi eftir síðustu kosningar vorið 2013. Nú er fylgi þeirra komið niður í 32% og samtals 23 þingmenn. Stjórnarflokkarnir hafa tapað 37% af því fylgi sem þeir fengu fyrir rúmum 2 árum.