Linda pé og ísabella

Hrökkbrauð Lindu

• 1 dl. hörfræ
• 1 dl. sólblómafræ
• 1 dl. sesamfræ
• 1 dl. graskersfræ
• 1 dl. gróft haframjöl
• 3 1/2 dl. bókhveitimjöl (gluten laust) eða speltmjöl.
• 2 tsk. salt
• 1 1/4 dl. olífuolía
• 2 dl. vatn (heitt)

Aðferð:

Allt hráefni sett í skál og hrært saman með sleif. Helmingur af degi settur á bökunarpappír og dreift með sleikju jafnt yfir blaðið/bökunarplötu. Uppskriftin dugir á tvær plötur. Bakist á 200 °C í um 20 mínútur.

(Ef degið er of þunnt, er gott að láta það standa í skálinni um stund meðan fræin drekka í sig vökvann).  Þegar brauðið er bakað er það skorið niður í litlar sneiðar.

Fyllt paprika bökuð í ofni.

• 1 rauð paprika
• 1 lítill tómatur (má vera fleiri)
• 1/2 bolli soðin brún hrísgrjón
• 1/4 bolli eldaðar svartar baunir
• 4-5 ólífur
• 1 matskeið ólífu olía
• 1 matskeið feta ostur
• 1/2 sneak ostur (ég vel vegan)
• Salt og pipar eftir smekk

Aðferð:

Skerið paprikuna og opnið og hreynsið að innan. Setjið allt hráefnið inní paprikuna og setjið ostinn síðast. Setjið paprikuna á ofnskúffu. Skerið tómatana á ofnskúffuna. Bakið við 180 gráður í 10 mínútur eða þar til osturinn er bráðinn. Ef bakaðar eru fleiri paprikur margfaldast uppskriftin með sömu hlutföllum.

Hummus

• 2 bollar kjúklingabaunir
• 2 matskeiðar tahini
• 2 hvítlauksrif (má vera fleiri)
• Safi úr einni sítrónu
• Safi úr hálfri appelsínu
• Fersk steinselja niðurskorin
• Ólífu olía
• Örlítið af Cayenne pipar

Aðferð:

Setjið allt hráefni nema steinselju og olíu og blandið í blandara eða Nutri Bullet. Setjið í skál og skreytið með steinselju og setjið smá ólífu olíu yfir. 

Avocado súkkulaðimús

• 1 avocado
• Möndlumjólk (magn fer eftir því hve þykka þið viljið hafa súkkulaðimúsina)
• Hunang (magn fer eftir smekk, eftir því hve sæt hún á að vera)
• 11/2 -2 teskeiðar lífrænt kakó (má vera meira ef vill)
• 3 döðlur

Aðferð:

Skafið innan úr avocado ávextinum og setjið í blandarann ásamt möndlumjólkinni. Síðan eru döðlur og hunang og kakó sett útí og blandað saman. Setjið síðan í skál og kælið. Má síðan bera fram með ávöxtum, þeyttum rjóma eða ís.

Verði ykkur að góðu :)