Nýtt frumvarp dómsmálaráðherra um að halda dómum Landsréttar og Hæstaréttar leyndum í vissum tilvikum þjónar hagsmunum þeirra sem hafa mikið að fela. Sigríður Andersen gengur erinda hinna brotlegu með þessari tilraun.
Leyndarhyggja Sigríðar hefur áður verið til mikilla vandræða og átti stóran þátt í að fella síðustu ríkisstjórn þegar hún reyndi að fela vandræðamál tengt föður formanns Sjálfstæðisflokksins.
Hjálmar Jónsson, formaðir Blaðamannafélags Íslands, segir að leyndin þjóni einungis hinum brotlegu. Hann telur að það sé í verkahring blaðamanna að meta nafnbirtingar hverju sinni. Hann telur að stétt fjölmiðlafólks sé treystandi fyrir því.
Öðru verður ekki trúað en að Alþingi stöðvi þessi áform hins dæmda dómsmálaráðherra. Leyndarhyggja af þessu tagi er ekki boðleg í nútímasamfélagi. Ef Vinstri græn styðja þetta þá styttist í endalokin hjá Katrínu Jakobsdóttur.
Alþingi verður að sýna að allt tal um opnara og gagnsærra þjóðfélag sé ekki bara orðagjálfur til brúks á tillidögum.
Rtá.
