Ingibjörg Sólrún Gísladóttir drap í vonum Magnúsar Orra Schram um formennsku í Samfylkingunni áður en hann gat tilkynnt um framboð sitt.
Hún skellti eftirfarandi setningu í loftið um leið og hann stundi upp áformum sínum: \"Forystumaður Samfylkingarinnar í Landsdómsmálinu hefur stigið fram og telur sig vel til flokksforystu fallinn.\"
Með þessum fáu og meitluðu orðum minnti hún á að Magnús vélaði að tjaldabaki svikráð gegn Geir Haarde, Ingibjörgu og fleirum sem leiddu til Landsdómssirkusins yfir Geir sem er ljótasti blettur sögunnar sem fallið hefur á Alþingi Íslendinga.
Svikráðin eru Magnúsi Orra til ævarandi skammar og verða aldrei fyrirgefin. Það veit Ingibjörg Sólrún.
Hún drap framboð hans í fæðingu með þessum fáu oddhvössu orðum.
Þá hefur verið bent á að eiginkona Magnúsar Orra er slitastjórnardrottningin Herdís Hallmarsdóttir sem hefur sviðið 150 milljónir á ári út úr þrotabúi Landsbankans síðustu 7 árin.
Ætli siðlaust lið af þessu tagi sé heppilegt til að leiða jafnaðarmannaflokk? Fyrir þá sem styðja Samfylkinguna ekki hljómar það vel til að tryggja enn hraðari dauðdaga flokksins.
