Landsliðsmaðurinn Birkir Már Sævarsson gerði smávægileg mistök á aðfangadagskvöld er hann gleymdi að kaupa appelsín fyrir jólamatinn. Birkir, sem á langan atvinnumannaferill að baki, býr nú á Íslandi ásamt eiginkonu sinni Stefaníu Sigurðarsdóttur og fjórum börnum þeirra.
Ólíkt því að búa erlendis er hægt að treysta á að nágranninn eigi appelsín á Íslandi og lét Birkir vaða inn í hverfahópinn.
„Sælir grannar. Smá langskot en á nokkuð einhver flösku eða dós af appelsín sem má sjá af í kvöld. Við erum með einn sem drekkur ekki malt og appelsín og við steingleymdum því og keyptum bara tilbúið bland,“ skrifar Birkir .
Nágranni hans var ekki lengi að svara og bauð honum nóg af appelsíni og þakkaði Birkir pent fyrir sig.
Stefanía deilir skjáskoti af samskiptunum á netið og segir: „Við hentum bara í þetta skot á aðfangadagskvöld, góðir grannar eru vanmetnir.“
Það er mikið til í því.
Við hentum bara í þetta skot á aðfangadagskvöld🥹 …góðir grannar eru vanmetnir🥰 pic.twitter.com/pqHYSN7hNE
— Stebba Sigurðardóttir (@StebbaSig) December 25, 2022
