Aldrei hafur jafn vinsæll og ljúfur stjórnmálaforingi farið jafn langt út úr karakter og Katrín Jakobsdóttir á leið sinni til útlanda á dögunum. Þá borgaði hún flugfarið með greiðslukorti framkvæmdastjóra flokksins sem reyndist vera svo veigamikill gjaldmiðill að Kata var umsvifalaust færð fram í Saga Class vélarinnar - og gat þar ekki haft uppi nokkrar varnir. Þar hefur þessi grannholda og lágvaxna kona setið á meðal feitra og smjörgreiddra ríkisbubbanna og allra mjúkmálu milljarðaforstjóranna og fengið alla þá þjónustu sem þeir eru vanir að þiggja á lúxusferðalögunum sínum - og má vænta að það hefur verið nokkuð upplit á þeim jöxlum öllum þegar þekkasti kommúnisti og byltingarforingi landsins lagðist á bakið við hliðina á þeim með heitan þvottapoka yfir ennið og freyðivínið kalt á kantinum. Jafnvel að kavíarinn hafi staðið í þeim. Sjálfsagt hefur Kötu dreymt alla leiðina að þjóðnýta alla þessa skrattakolla í kringum sig - og þeir hinir mókað í martröðinni að henni tækist það ...
