Inga Sæ­land: „Aumingi er ég ekki og hef aldrei verið, Svavar Gests­son“

Inga Sæ­land, þing­maður og for­maður Flokks fólksins, er þekkt fyrir flest annað en að láta vaða yfir sig. Inga hefur staðið í ströngu á Face­book-vegg Páls Braga Kristjóns­sonar, fram­kvæmda­stjóra til fjöl­margra ára eftir að Páll gerði sér mat úr við­tali við Ingu sem birtist í Mann­lífi í maí­mánuði.

Í við­talinu lýsti Inga Sæ­land meðal annars lífinu á Al­þingi en auk þess lýsti hún sjálfri sér sem „til­finninga­ríkum mann­vini“. Páli Braga fannst þetta skjóta skökku við miðað við önnur um­mæli hennar í sama við­tali. Hann segir: „Í sama við­tali segir hún um starfs­fé­laga sína þetta: „Því miður eru stjórn­mála­menn gegn­um­heilt miklir lygarar“. Þá segir hún einnig: „Ég hef aldrei vitað annan eins vinnu­stað og þingið, það er eigin­lega alveg fá­rán­legt.“

Páll Bragi klykkti svo út með þessum orðum: „EYKST NÚ VIRÐINGIN?“

Ó­hætt er að segja að færslan hafi vakið tals­verð við­brögð og blandar Inga sér sjálf í um­ræðurnar. Einn segir að um­mæli Ingu séu ekki beint vina­leg en því svarar Inga: „Þau eru sönn, er það ekki nóg? Vantaði svikarar líka sem ljúga sig inn á þing á fölskum lof­orðum. Ég þarf ekki að vera vinur þessa fólks, er það? Ég vil hjálpa og vernda þá sem þetta fólk er að níðast á. Það er mann­vinurinn í mér.“

Svavar Gests­son, fyrr­verandi þing­maður og ráð­herra, spyr – og beinir orðum sínum að Ingu. „Af hverju er hún að leggja þetta á sig aumingja manneskjan?“

Inga svarar með þessum orðum: „Aumingi er ég ekki og hef aldrei verið, Svavar Gests­son.“

Svavar segir að honum sé það alveg ljóst en bendir á að hann hafi fundið til með henni fyrir að „þurfa að standa í þessum ó­sköpum.“ Inga hefur lítinn húmor fyrir kald­hæðni Svavars. „Það þarf ekki að finna til með mér í þínu háði, kæri Svavar, sem hefur nú ýmsa fjöruna sopið sjálfur, ekki satt?“ Svavar svarar at­huga­semd Ingu ekki efnis­lega og segir ein­fald­lega: „Gangi þér vel!“ Og Inga sendir Svavari einnig vina­lega kveðju: „Takk sömu­leiðis.“

Jón Magnús­son, hæsta­réttar­lög­maður og fyrr­verandi Al­þingis­maður, spyr í þræðinum: „Í hverju lýsir mann­vin­átta hennar sér í öðru en gaspri?“ Inga Sæ­land telur að Jón sé þarna að kasta steinum úr gler­húsi og svarar að bragði: Ja hérna, þetta kemur úr hörðustu átt, svo ekki sé fastar að orði kveðið. A..ha....ha....ha....ha.“