Hönnuðu drauma­pallinn með úti­eld­húsi fyrir sig og heima­sætuna

Þórunn Högna­dóttir stíllisti og fagur­keri verður hjá Sjöfn Þórðar í þættinum Fast­eignir og Heimili í kvöld:

Með hækkandi sól og sumri langar mörgum til að fegra garðana sína og eignast drauma­pallinn þar sem hægt er að njóta upp­lifana heima. Þórunn Högna­dóttir stílisti og fagur­keri með meiru og eigin­maður hennar á­kváðu að láta drauminn rætast í sumar og hönnuðu og byggðu sinn drauma­pall sem hægt er að njóta allan ársins hring.

Þau létu sér það ekki bara nægja, heldur hönnuðu þau og byggðu líka pall fyrir heima­sætuna með úti­eld­húsi. Sjöfn Þórðar heim­sækir Þórunni í Foss­voginn, þar sem fjöl­skyldan býr á fal­legum stað þar sem veður­sældin er með ein­dæmum.

Sjöfn heim­sækir Þórunni út pallinn og fáum góða inn­sýn í að­stöðuna og hvernig þau hafa stækkað heimilið með góðum palli þar sem hugsað er fyrir af­þreyingu og gæða­stundum fyrir alla fjöl­skylduna. „Við erum ó­trú­lega á­nægð með út­komuna og nýtum pallinn mjög vel. Hér á ég líka mínar hug­leiðslu­stundir og nýt morgnana gjarnan hér í kyrrðinni,“ segir Þórunn og að pallurinn sé kær­komin við­bót og auki gæða­stundir fjöl­skyldunnar.

Þórunni er margt til lista lagt og hefur gaman að stílisera og breyta heimilinu reglu­leg, hið sama má segja um drauma­pallinn. Fagur­fræðin og nota­gildið fléttast vel saman og lita­tónarnir spila vel saman þar sem svarti liturinn er í for­grunni og grænni liturinn, gróðurinn brýtur upp. Pallur og úti­eld­hús heima­sætunnar fær mýkri lita­tóna en þar fá pastellitirnir að njóta sín með svarta litnum í for­grunni. Þórunn er mikill fagur­keri og leggur mikinn metnað í að dúlla með smá­hluti og út­búa dýrindis kræsingar sem bæði gleðja bragð­laukana og augað.

„Ég hef mjög gaman að því að nýta það sem er í garðinum og setja saman kransa. Einnig er upp­lagt að nýta gróðurinn og blómin sem hér vaxa og setja í vasa og punta pallinn,“ sagði Þórunn sem er mikill heimilis­dúllari. Þegar gesti ber að garði tekur Þórunn á­vallt vel á móti þeim og engin undan­tekning var á því þegar þátturinn Fast­eignir & Heimili bar að garði. Þórunn bauð upp á dýrindis bolla­kökur sem skreyttar voru að hætti stílistans og heima­sætan fékk líka sínar upp­á­halds bolla­kökur á pallinn sinn.

Missið ekki af skemmti­legu inn­liti á pallinn til Þórunnar í kvöld.

Þátturinn Fast­eignir & Heimili verður á dag­skrá í kvöld klukkan 20.30 og er að jafnan ferskur, fjöl­breyttur og með per­sónu­legum blæ.