Hér erum við komin með hinn fullkomna morgunverð eða jafnvel hádegisverð eða millimál. Þessi frábæra samsetning með rjómaþeytta jógúrtinu er líka sniðug til að setja í minni ílát og hafa á morgunverðarhlaðborði stórfjölskyldunnar eða í dögurðinn.
„Þessi rjómaþeytta gríska jógúrt var svo góð að það var slegist um skálarnar hér á þessu heimili,“segir Berglind Hreiðars okkar og bæti því við að það muni ekki líða að löngu þar til hún gerir þessa dásemd aftur. Hægt er að fylgjast með Berglindi á bloggsíðunni hennar Gotterí og gersemar.
Rjómaþeytt jógúrt
Dugar í 4-8 skálar/glös (eftir stærð)
500 g grísk jógúrt frá Gott í matinn
350 ml rjómi frá Gott í matinn
4 msk. hlynsýróp
2 tsk. vanilludropar
¼ tsk. salt
- Setjið allt saman í hrærivélarskálina.
- Blandið fyrst varlega saman og aukið síðan hraðann og þeytið þar til topparnir halda sér og blandan þykknar upp að nýju.
- Skiptið niður í skálar eða glös, kælið og toppið með einhverju gómsætu (hugmynd hér að neðan).
Toppur
- Granóla
- Jarðarber
- Bláber
- Saxað dökkt súkkulaði
Síðan er ávallt gaman að bera skálarnar fallegar fram og gleðja augað um leið og við gleðjum munn.
Galdurinn við að lyfta þessari jógúrt uppá hæstu hæðir er rjóminn og toppurinn, rifið dökkt súkkulaði og fersk ber gera allt betra./Ljósmyndir Berglind Hreiðars.
*Allt hráefnið fæst í Bónus.
