Veitingastaðurinn Borg Restaurant opnaði nýverið eftir gagngerar endurbætur þar sem glæsileikinn hefur verið hafður í forgrunni.

Mikið var um dýrðir á HönnunarMars í byrjun maí og fjölmargir hönnuðir og listamenn frumsýndu ný verk sín og afurðir. Meðal þeirra sem voru í samstarfi með opið hús og frumsýndu hönnun sína og verk í tilefni HönnunarMars voru VIGT og Feel Iceland.

Á HönnunarMars gafst einstakt tækifæri, sem aldrei áður hafði sést, að upplifa íslenska hönnun í gegnum öll skilningarvitin. Þar flæddu saman íslensk handverk og íslensk matargerð á ótrúlegan hátt með gómsætri kampavínspörun sem lét engan ósnortinn.

Í þættinum Matur og heimili í kvöld heimsækir Sjöfn Þórðar, Elísu Viðarsdóttir landsliðskonu í knattspyrnu heim í eldhúsið þar sem þær ræða verkefni Elísu og framtíðarplön. Elísa er mikil áhugamanneskja um mat og notar matargerðina sem sína hugleiðslu.

Í þættinum Matur og Heimili í kvöld fær Sjöfn góða heimsókn í eldhúsið þar sem töfrað verður ljúffengur kvöldverður þar sem brögðin fara með bragðlaukana á flug alla leið til Túnis. Safa Jemai frumkvöðull og hugbúnaðarverkfræðingur frá Túnis og vinur hennar Viktor Joensen yfirkokkur mæta með hágæða hráefni og heimagerðu kryddin hennar Söfu sem koma alla leið frá Túnis. En Safa stofnaði nýverið fyrirtækið Mabruka og hóf innflutning á heimagerðum kryddum frá heimalandi sínu.

Í tilefni sumarsins boðaði Kristín Edwald hæstaréttarlögmaður og matgæðingur veiðiklúbbinn sinn Strekktar línur í sumarfagnað. Kristín er annálaður fagurkeri og er þekkt sem eldhúsdrottningin, hæstaréttarlögmaðurinn sem hefur ástríðu fyrir því að töfra fram kræsingar í eldhúsinu á sinn einstaka hátt. Í þættinum Matur og heimili í kvöld lítur Sjöfn Þórðar þáttastjórnandi inn til Kristínar og fær smjörþefinn af leyndarmálum veiðiklúbbsins þegar kemur að því að töfra fram veitingar og gera sér glaðan dag.

Vinsældir kampavíns hafa aldrei verið meiri en nú hér á landi og með hækkandi sól og sumri má gera ráð fyrir að vinsælt verði að skála í freyðandi kampavíni. Í þættinum Matur og Heimili í kvöld hittir Sjöfn Þórðar Gunnlaug P. Pálsson kampavínssérfræðing sem er sérfróður um kampavín og kampavínshéruðin í Frakklandi.

Útieldhús njóta vaxandi vinsælda og æ fleiri landsmenn kjósa að stækka heimilin sín út og nýta svæðið utandyra til að auka lífsgæði sín. Þórdís Lóa Þórhallsdóttir borgarfulltrúi og eiginmaður hennar eru ein af þeim sem fannst frábært að geta stækkað heimilið með því að vera með útieldhús og pergólupall á útisvæðinu sem hefur aukið lífsgæði þeirra og fjölbreytni til muna enda miklir náttúruunnendur.

Miðbær Hafnarfjarðar verður í forgrunni í þættinum Matur og heimili í kvöld. Sjöfn Þórðardóttir mun hitta Rósu Guðbjartsdóttur bæjarstýru þar sem þær munu rölta um miðbæinn, heimsækja kaffihús og fara yfir flóruna sem þar er að finna. Það má með sanni segja að hjarta bæjarins slái í miðbænum þar sem allt iðar af fjölbreyttu mannlífi og menningu.