Hjólum í skólann – framhaldsskólakeppni er hafin og stendur frá 9. til 22. september 2015. Markmiðið er að vekja athygli á virkum ferðamáta sem heilsusamlegum, umhverfisvænum og hagkvæmum samgöngumáta.

Heilsufarsvandamál sem rekja má til grindarbotnsvöðvans hrá um þriðjung kvenna hér á landi, margar hverjar frá því á unga aldri, að því er fram kemur í upplýsandi samtali við Þorgerði Sigurðardóttur sjúkraþjálfara í heilsuþættinum Lífsstíl á Hringbraut í kvöld.

Ný pilla, Addyi, sem á að auka kynlöngun kvenna kemur á markað í Bandaríkjunum á næstunni. Ólíkt Viagra, stinningarlyfi fyrir karlmenn, virkar pillan á huglæga þætti en ekki líffræðilega og er því um margt skyld geðlyfi.

Nú er um að gera að undirbúa sig fyrir átök komandi vetrar og þá er ekki úrr vegi að huga að mataræðinu og skoða hvernig hægt er að færa líkamanum alla þá bestu næringu sem honum stendur til boða. Þar mega beinin ekki gleymast.

Alls konar ávaxta- og grænmetissafar hafa verið að ryðja sér til rúms á borðum landsmanna á undanförnum misserum og má í raun og sann líkja breytingunni við ákveðna heilsubyltingu. Fer þar saman hollusta drykkjanna og bragðgæði sem á fyrri tíð fylgdust ekki endilega að.

Fjórir bollar af kaffi á dag og þaðan af meira getur mögulega dregið verulega úr líkum á endurkomu ristilkrabbameins eftir árangursríka meðferð. Þetta er meginniðurstaða rannsóknar vísindamanna við Dana-Farber Krabbameinsmiðstöðina í Boston, sem birt var í vikunni.