Gunnar Smári Egilsson var að enda við að stranda útgáfu Fréttatímans. Hann hleypur frá sökkvandi skipi, skilur starfsfólkið eftir launalaust, peningalaust og matarlaust eftir að hafa eyðilagt rekstur blaðsins sem gekk bærilega þar til Gunnar kom og ætlaði að bjarga heiminum enn á ný. Og í þetta sinn gegnum Fréttatímann.
Aðkoma Gunnars Smára varð banabiti blaðsins sem mun hafa tapað 150 milljónum króna í fyrra og hefur nú rekið upp á sker.
Út af stendur að enn á eftir að bjarga heiminum. Nú ætlar hann að gera það með því að stofna enn einn sósíalistaflokkinn. Ætli hann fái rekstrarfé í það frá stórkapítalistum eins og þegar hann fór inn í Fréttatímann?
Allt sem Gunnar Smári hefur komið nálægt í rekstri og útgáfu hefur farið á hausinn með einum eða öðrum hætti. Hann fer jafnan af stað með stórum yfirlýsingum sem ávalt reynast innistæðulausar. Tilraunirnar hafa flestar endað með stórtjónum - jafnvel á alþjóðlegan mælikvarða eins og útgáfur fríblaða erlendis bera vitni um.
Næst á að safna saman öllum helstu lúserum landsins og stofna sósíalistaflokk til höfuðs auðvaldinu og vondum atvinnurekendum - sem svíkja fólk um launin og skilja það eftir peningalaust - eins og gerðist á Fréttatímanum. Eða hvað?
Ætli sé hægt að gera sósíalistaflokk gjaldþrota?
