Tortillur, pestó og orkukúlur

Tortillur með túnfisksalati

• 8 tortillur
• 1 dós túnfiskur í vatni
• 1 avocado
• 2 msk majónes
• 1 hvítlauksrif
• 1 og 1/2 bolli rifinn ostur
• 1 bolli kirsuberjatómatar
• salt
• pipar
• koriander (val)
• rautt chillie (val)
• blaðlaukur í bitum (val)

Látið vatnið renna af túnfisknum og maukið bitana með gaffli.

Skerið avocado og tómata í bita og setjið útí.  Maukið hvítlauk og blandið honum saman við ásamt majónesi og salti og pipar.  Gott er að setja 1 tsk að fínt söxuðu korander og 1 tsk af fint söxuðu rauðu chille, en það er val.

Hitið Tortillu á pönnu á báðum hliðum og leggið til hliðar og hitið aðra, báðum megin. Setjið túnfisksalatið á milli, osfrv. Gott er að skera þetta með pizzuskera í sneiðar.

Berið fram með spínati, pestó og kirsuberjatómötum.

Pestó

• 1 brokkolístilkur
• 1/2 poki ferskt spínat
• 1 hvítlauksrif
• 1/2 bolli ólífuolía
• salt, pipar

Setjið allt saman í matvinnsluvél og maukið.

Orkukúlur

• 3 msk kakó
• 1 bolli döðlur, maukaðar (gott er að láta þær liggja í 30 mín í bleyti áður, sía vatnið frá)
• 1/2 bolli möndlur hakkaðar
• 1/2 bolli heslihnetur
• 1/2 bolli kókosmjöl
• 1/8 tsk salt
• 1 msk maple sýróp (val)

Maukið döðlur í matvinnsluvél. Bætið út í möndlum heslihnetum kókosmjöli og salti og maukið allt saman.  Gott er að bæta sýrópi út í til að auðvelda mótun á kúlunum. Búið til kúlur og veltið kúlum uppúr kókosmjöli.  Setjið í kæli í 2 klst.

Verði ykkur að góðu :)