Nú þegar skólarnir eru að fara hefja göngu sína aftur eftir sumarfrí og allir eru á þönum er gott að hafa með sér hollustu nestisbita sem bræðir bragðlaukana. Berglind Hreiðarsdóttir ein af okkar uppáhalds matar- og kökubloggurum töfraði fram þessa himnesku uppskrift sem þið verið að prófa. Einstaklega fljótlegt að útbúa og einfaldara getur það ekki verið. Berglind heldur úti síðunni www.gotterí.is og instagramsíðunni @gotterioggersemar þar sem þið getið fylgst með öllu því sem hún töfrar fram.
Frosið jógúrtsnakk
1 dós grísk jógúrt (350 g)
1 msk. agave sýróp
1 msk. bökunarkakó
5 msk. Granóla frá Til hamingju
50 g Hnetur og ávextir frá Til hamingju
Byrjið á því að blanda saman jógúrti, sýrópi og bökunarkakó með sleif.
Smyrjið á bakka eða eldfast mót íklætt bökunarpappír svo um ½ sentimetra þykkt lag myndist. Saxið niður hnetur og ávexti og stráið yfir ásamt granóla.
Frystið í að minnsta kosti 3 klukkustundir og brjótið þá niður í bita.
Gott er að eiga molana í vel lokuðu boxi í frystinum.
