Freyja Egilsdóttir Mogensen, sem lést í Danmörku 2. febrúar síðastliðinn verður jarðsungin frá Selfosskirkju næstkomandi föstudag.
Hún skilur eftir sig tvö börn, sem hafa verið í höndum fjölskyldumeðlima Freyju í Danmörku. Aðstandendur stofnuðu söfnunarreikning fyrir fjölskyldur og börn hennar og náðu að safna rúmum 2,3 milljónum króna, sem fjölskyldan fékk afhent í júní.
Freyja fannst myrt á heimili síðu á Austur-Jótlandi í Danmörku en fyrrverandi sambýlismaður hennar, Flemming Mogensen, játaði á sig morðið.
Sjá einnig: Vinur Freyju syrgir einstaka vinkonu: „Hún var alltaf til staðar“
Vinir Freyju hafa lýst henni sem einstakri manneskju sem var dugleg að rækta vinskap við sína nánustu. Hún hafi verið gull í gegn, heilsteypt og góð sál og frábær mamma, nýútskrifuð úr sjúkraliðanámi þegar hún lést.
Bekkjarfélagarnir í Østjylland-skólanum voru nánir og var Freyja hafi alltaf verið til staðar þegar á þurfti að halda og sett sína nánustu í fyrsta sætið. Hittust bekkjarfélagarnir oft utan skóla og gerðu sér dagamun.
