Það er sífellt að koma betur í ljós að Eyþór Arnalds er engan vegin að virka í stjórnmálum. Hann leiddi Sjálfstæðisflokkinn í síðustu borgarstjórnarkosningum til næst mesta ósigurs flokksins í Reykjavík frá upphafi.
Útkoman hefur bara verið verri einu sinni en það var vorið 2014.
Afhroð flokksins túlkaði Eyþór sem sigur og hélt að hann yrði borgarstjóri! Það færði mörgum heim sanninn um að hann skorti raunveruleikatengingu. Auðvitað hélt flokkur hans áfram í valdalausum minnihluta í borginni og Eyþór getur ekki dulið að hann er “spældur” eins og krakki.
Ástandið í boegarstjórn Reykjavíkur er nú frekar vandræðalegt vegna þess hve margir borgarfulltrúar haga sér eins og kjánar. Ekki nóg með að Eyþór sé þannig. Vigdís Hauksdóttir hrærir í sandkassanum, svo og Kolbrún Baldursdóttir og Líf Magneudóttir.
Talað er um að gera þurfi átak til að lyfta starfinu á eitthvað hærra plan.
Rtá.
