Höskuldur Þórhallsson, formaður umhverfis– og samgöngunefndar, segir að sláandi upplýsingar hafi komið fram um dekkjakurl á fundi nefndarinnar í morgun.
mbl.is hefur eftir þingmanninum að um \"verulega heilsuspillandi\" efni sé að ræða. Upplýsingarnar kalli á öfuga sönnunarbyrði. Í stað þess að kallað sé eftir sönnun á skaðsemi dekkjakurlsins sem víða er að finna í sparkvöllum og á íþróttasvæðum um land allt, verði nú að sanna að efnin séu ekki heilsuspillandi.
„Fulltrúar frá Læknafélagi Íslands og Astma- og ofnæmisfélagi Íslands voru m.a. á fundinum en rætt hefur verið við fólk sem kennir sér astma eftir æfingar á íþróttasvæðum sem notast við kurlið.
Hringbraut birti í gær frétt þar sem ólíkar skoðanir koma fram um sönnunarbyrði og vísindi. Hringbraut hefur lagt fram fyrirspurn í því skyni að fá nákvæmari upplýsingar frá fundinum í morgun.
Seltirningar og Kópavogsbúar ætla að fjarlægja dekkjakurl af knattspyrnuvöllum sínum á þessu ári en kostnaður á landsvísu við umbæturnar er talinn hlaupa á mörg hundruð milljónum króna. Sum sveitarfélög eru fjárhagslega síður í stakk búin til að bregðast við en eftir því sem Höskuldur Þórhallsson bendir á að er vandinn mikil, enda um líf og heilsu barnanna okkar að tefla.
