Frosti Sigurjónsson alþingismaður hefur tilkynnt að hann hyggist ekki gefa kost á sér til áframhaldandi setu á Alþingi.

Forsetaframboð Davíðs Oddssonar & Hannesar Hólmsteins er á góðri leið með að verða mesta sneypuför síðustu áratuga í opinberu lífi á Íslandi.

Svo virðist sem Davíð Oddsson ætli ekki að játa sig sigraðan og draga forsetaframboð sitt til baka áður en hann verður sér til enn meiri minnkunar. Trúlega er mat hans og helstu stuðningsmanna það að skaðinn sé skeður og að hann lagi ímynd sína ekki með því að renna af hólmi. Davíð vill væntanlega fara niður með sökkvandi skipi frekar en stökkva frá borði.

Öllum má vera ljóst að Davíð Oddsson mun tapa forsetakosningunum þann 25. júní. Ekki bara tapa heldur skíttapa. Fylgi hans er ekki að lyftast neitt að ráði. Hann er að festast í þeim 20% sem margir höfðu spáð honum.

Forsætisráðherra og fjármálaráðherra hafa ítrekað lýst því yfir að kosningar fari fram í lok október. Þeir komast ekki hjá því að efna þau loforð sem voru gefin þegar ríkisstjórnin var við þar að hrökklast frá í byrjun apríl eftir það uppnám sem varð í þinginu og þjóðfélaginu þegar upplýst var að þrír ráðherrar ríkisstjórnarinnar kæmu við sögu í svonefndur Panamaskjölum vegna Tortólaviðskipta. Í kjölfarið hrökklaðist Sigmundur Davíð frá og loforð var gefið um að flýta kosningum fram til næsta hausts.

Í þeirri örvæntingarfullu kosningabaráttu sem Davíð Oddsson og hans nánustu heyja nú vegna komandi forsetakosninga er allt reynt. Sumt kunnulegt eins og hvernig Davíð ræðst að keppinautum sínum með niðrandi ummælum, ósannindum og útúrsnúningum. Annað gengur út á að reyna að hefja þennan umdeilda mann upp til skýjanna og helst í guðatölu.