Fylgi Vinstri grænna heldur áfram að hrynja samkvæmt öllum skoðanakönnunum enda ræður formaður flokksins ekki við verkefni sitt. Hún er greinilega nokkrum númerum of lítil til að stýra stjórnmálaflokki hvað þá ríkisstjórn. Þetta hlýtur að teljast fullreynt.

Það vekur ónotatilfinningu að ÍSAVÍA skuli ekki fást til að gefa upp nöfn þeirra sem sóttu um stöðu forstjóra hjá félaginu. Opinberar stofnanir og fyrirtæki gefa jafnan upp hverjir umsækjendur eru þegar staða forstjóra er auglýst. ÍSAVÍA er í eigu ríkisins og ákaflega mikilvægt og verðmætt fyrirtæki. Það varðar almannahag miklu að vel takist til um ráðningu æðstu manna hjá slíku fyrirtæki.