Þegar fjölmiðlar birta árlegar völvuspár sínar velta margir fyrir sér hver sé höfundur spánna á hverjum fjölmiðli. Gaman er að rýna í það sem sagt er og ekki síður það sem ekki er sagt en gæti átt fullt erindi í vangaveltur um komandi ár.

Mikið er slúðrað þessa dagana um að kona verði skipuð í embætti útvarpsstjóra. Nokkrar hafa verið nefndar og tengdar við mismunandi stjórnmálaflokka.

Talsvert uppnám gæti verið framundan í stjórnarflokkunum. Til þess gæti komið að formenn allra þriggja stjórnarflokkanna létu af formennsku í vetur.