Bananabrauð af guðs náð

Hversu gott er að eiga eitt stykki bananabrauð þegar maður kemur þreyttur heim úr vinnu og langar að narta í eitthvað smá fyrir kvöldmat?

Þessi uppskrift af bananabrauði er mjög holl og hrikalega einföld.

Það sem þú þarft að eiga í skápunum er:

• Spelthveiti
• Haframjöl
• Vínsteinslyftiduft
• Matarsóda
• Salt
• Kanil
• Egg
• Mjólk
• Vel þroskaða banana

Aðferð:

• 1.bolli spelthveiti
• 1.bolli haframjöl
• 2. tsk vínsteinslyftiduft
• 1. tsk matarsódi
• 2. tsk kanill
• Klípu af salti
• 1 egg
• 1.dl mjólk
• 3 stk vel þroskaðir bananar

Það er engin sérstök regla yfir hvernig ég blanda hráefninu í skálina, yfirleitt læt ég bara allt saman í skál í einu, hræri vel og að því loknu helli ég í bökunarform (persónulega finnst mér gott að hafa sílíkon form en önnur form eru samt ekkert verri).

Baka brauðið við ca 180 gráður í 45 mínútur

Ég vil hafa brauðið mitt crispy og hef það aðeins lengur í ofninum en fylgist þó vel með því svo það brenni ekki :)

Verði ykkur að góðu

Díana Íris