Augnþurrkur er ein algengasta ástæða þess að fólk leitar til augnlæknis, en fólk getur hæglega verið með einkenni augnþurrks án þess þó að gera sér grein fyrir krankleikanum sem auðveldlega er hægt að vinna bug á.
Þetta kemur fram í neytendaþættinum Allt er nú til á Hringbraut í kvöld, en þar heimsækir umsjármaðurinn Helga Eir Gunnlaugsdóttir fyrirtækið Sjónlag, en þar er til staðar svonefnd Táralind sem að hjálpar fólki sem þjáist af augnþurrk.
Þátturinn Allt er nú til er líflegur neytendaþáttur, frumsýndur öll fimmtudagskvöld, en í hverjum þætti skoðar Helga eitthvað sem er nýtt á markaði, er fræðandi, kemur á óvart eða telst hreinlega skemmtilegt og spennandi.
Í þætti kvöldsins fer helga líka á Argentínu steikhús þar sem strákarnir kveikja upp í grillinu og sýna áhorfendum galdurinn á bak við góðu steikurnar þeirra og hver ástæðan er fyrir því að Argentína hefur notið jafn mikilla vinsælda og raun ber vitni í góðan aldarfjórðung.
